រដ្ឋាភិបាលទីក្រុងសេអ៊ូលនិងរដ្ឋាភិបាលទីក្រុងវ៉ាស៊ីនតោនបានសាកល្បងបាញ់សព្វាវុធមួយចំនួនមុនថ្ងៃកំណត់នៃការធ្វើសមយុទ្ធដែលមានការចូលរួមនាវាចម្បាំងរបស់កូរ៉េខាងត្បូងដប់គ្រឿងនិងនាវាចម្បាំងរបស់សហរដ្ឋអាមេរិកមួយគ្រឿងនៅក្នុងដែនសមុទ្រដែលជាព្រំប្រទល់រវាងប្រទេសកូរ៉េខាងត្បូង និងកូរ៉េខាងជើង។
ដោយឡែកសមយុទ្ធយោធាប្រចាំឆ្នាំពិតប្រាកដដែលនឹងធ្វើរួមដោយសហរដ្ឋអាមេរិកនិងកូរ៉េខាងត្បូងនឹងត្រូវធ្វើឡើងនៅពេលខាងមុខនេះគឺរួមមានសមយុទ្ធពីរប្រភេទដែលប្រភេទទី១មានឈ្មោះថា Key Resolve ដែលនឹងត្រូវធ្វើចាប់ផ្តើមពីថ្ងៃទី០២មិនាដល់ទី១៣ខែមិនា។ សមយុទ្ធមួយប្រភេទទៀតមានឈ្មោះថា Foal Eagle ដែលនឹងធ្វើឡើងនៅទី១៤ខែមេសា។ដូចការកំណត់សមយុទ្ធនេះនឹងមានវត្តមានទាហានកូរ៉េខាងត្បូងប្រមាណ២សែននាក់ និងទាហានសហរដ្ឋអាមេរិកប្រមាណ៣៧០០នាក់ចូលរួមក្នុងសមយុទ្ធទ្វេរភាគីនេះ។
គួរបញ្ជាក់ផងដែរការចេញមុខប្រតិកម្មចុងក្រោយរបស់លោកគីមជុងអ៊ុនអាចជាសញ្ញាអាក្រក់មួយសម្រាប់សន្តិសុខនៅក្នុងឧបទ្វីបកូរ៉េនិងពិភពលោកផងដែរ ព្រោះប្រទេសនីមួយសុទ្ធសឹងតែប្រដាប់ទៅដោយសព្វាវុធទំនើប។ទោះបីយ៉ាងណាក៏ដោយយើងសង្កេតឃើញថាក្នុងរយៈពេលចុងក្រោយនេះកូរ៉េខាងជើងហាក់ដូចជាធ្លាក់ចុះឥទ្ធិពលពោលក្រោយពីរដ្ឋាភិបាលកូរ៉េខាងត្បូងបានដឹកនាំសកម្មជនរបស់ខ្លួនបង្ហោះប៉េងប៉ោងដែលភ្ជាប់ជាមួយនឹងខិត្តបណ្ណ័ដើម្បីរិះគន់របបគ្រប់គ្រងទីក្រុងព្យុងយ៉ាង។ ហើយមួយវិញទៀតគឺក្រោយក្រុមហ៊ុនសូនីបានចេញផ្សាយនូវភាគយន្តបែបកំប្លែងដែលបង្កប់នូវឆុតឆាកនៃការសម្លាប់លោកគីមជុងអុនដែលត្រូវបានគេជឿជាក់ថាសហរដ្ឋអាមេរិកជាអ្នកដែលនៅពីក្រោយខ្នងក្នុងការបង្កើតភាពយន្តនេះ៕
ប្រភព៖http://thmeythmey.com/index.php?page=detail&ctype=article&id=23844&lg=kh