​រដ្ឋា​ភិ​បាល​អូ​ស្រ្តា​លី​បាន​រំលឹក​ឡើង​វិញ​ ពី​ការ​ប្តេ​ជ្ញា​ចិត្ត ​ដើម្បី​ស្វែង​រក​យន្ត​ហោះ ​MH370​

ទីក្រុង CANBERRA, អូស្រ្តាលី៖ មជ្ឈ​មណ្ឌល​សំរប​សំរួល​ទីភ្នា​ក់ងា​ររួម​ (JACC)​ ដើម្បី​ការ​ស្វែង​រក​យន្ត​ហោះ​ MH370 ​បាន​ឲ្យ​ដឹង​នៅ​ក្នុង​សេចក្តី​ថ្លែង​ការណ៍​មួយ​នៅ​ថ្ងៃ​សុក្រ ​នេះ​ថា​ រដ្ឋា​ភិ​បាល​អូ​ស្រ្តា​លី​ នៅ​តែ​មាន​សង្ឃឹម​ និង​បាន​ប្តេជ្ញា​ចិត្ត​ក្នុង​ការ​ស្វែង​រក​យន្ត​ហោះ ​MH370​។​

អគ្គនាយកនៃនាយកដ្ឋានអាកាសចរណ៍ស៊ីវិលម៉ាឡេស៊ី លោក Azharuddin Abdul Rahman បាន​និ​យា​យ​កាល​ពី​ថ្ងៃ​ព្រហ​ស្បតិ៍​ថា​ រដ្ឋាភិបាលម៉ាឡេស៊ីបានប្រកាសជាផ្លូវការ ក្នុងការបាត់យន្តហោះ MH370 គឺ​ជា​គ្រោះ​ថា្នក់​ផ្លូវ​អា​កាស​ ដោយ​សារ​អាកាសធាតុមិនអំណោយផល ហើយមនុស្ស ២៣៩នាក់នៅលើយន្ត​ហោះ​នេះ​ត្រូវ​បាន​គេ​សន្មត់​ថា​ស្លាប់ទាំងអស់។

សេចក្តីថ្លែងការណ៍ JACC បានថ្លែងថា រដ្ឋាភិបាលអូស្រ្តាលី បានកត់សម្គាល់សេចក្តីប្រកាសនៃគ្រោះថ្នាក់ដែល​ទាក់​ទង​ទៅ​នឹង​ការ​បាត់​ខ្លួន​ យន្តហោះ MH370 របស់ ក្រុមហ៊ុនអាកាសចរណ៍ម៉ាឡេស៊ី ដែលបានផ្តល់​ដោយ​រដ្ឋា​ភិ​បាល​ប្រ​ទេស​ម៉ាឡេស៊ី ហើយ។

សេចក្ដីថ្លេងការណ៏បានឲ្យដឹងទៀតថា យើងយល់ពីអារម្មណ៏ របស់ក្រុមគ្រួសារនៃអ្នកដំណើរដែលនៅលើ យន្ត​ហោះ​ MH​370 ​បាន​ជួប​ប្រទះ​ទុក្ខ​ព្រួយ​ ក្នុងការបាត់បង់សាច់ញ្ញាតិ ដោយមិនដឹងថានឹង​ទៅ​ជា​យ៉ាង​ណា​នោះ​ទេ​ ក្នុង​ការ​បាត់​ខ្លួន​នៃ​យន្ត​ហោះ ​MH370 របស់ ក្រុមហ៊ុនអាកាសចរណ៍ម៉ាឡេស៊ី មួយនេះ។ ការ​ផ្តល់​ការ​លើ​ទឹក​ចិត្​ត និង​ការ​គាំ​ទ្រ​ដល់​ក្រុម​គ្រួសារទាំងនោះ ជាពិសេសនៅក្នុងពេលដ៏លំបាកនេះ នោះ​យើង​បាន​ប្ដេ​ជ្ញា​ចិត្ត​បន្ត​ការ​រុករក។

រដ្ឋាភិបាលអូស្រ្តាលី នឹងបន្តធ្វើការសហការជាមួយរដ្ឋាភិបាលប្រទេសម៉ាឡេស៊ី និងសាធារណរដ្ឋប្រ​ជា​មា​និត​ចិន​ ក្នុង​ការ​បម្រើ​ដល់​ក្រុម​គ្រួសារ​របស់​អ្នក​ដែល​នៅ​លើ​យន្ត​ហោះ ​MH370 និងឲ្យធ្វើដំណើរជា​សា​ធា​រណៈ​ដ៏​ទូលំ​ទូ​លាយ​​។​

គួររម្លឹកថា ក្រុមហ៊ុនអាកាសចរណ៍ម៉ាឡេស៊ី ជើងហោះហើរ MH370 មានមនុស្ស ២៣៩នាក់ នៅលើនោះ ដោយ​បាន​បាត់​ទំនាក់​ទំនង​ពី​ប្រព័ន្ធ​រ៉ា​ដា ​ក្នុង​រយៈ​ពេល​មួយ​ដ៏​ខ្លី​ បន្ទាប់ពីបានចាកចេញពី ទីក្រុងគូឡាឡាំពួ ប្រទេស​ម៉ា​ឡេ​ស៊ី​ ហោះ​ឆ្ពោះ​ទៅ​កាន់​ទី​ក្រុង​ប៉េ​កាំង​ ប្រទេសចិន កាលពីថ្ងៃទី០៨ ខែមីនា ឆ្នាំ២០១៤៕

ប្រភព៖ ទីភ្នាក់ងារសារព័ត៌មានចិន ស៊ិនហួរ ចុះផ្សាយនៅថ្ងៃសុក្រ ទី៣០ ខែមករា ឆ្នាំ២០១៥.

http://chnchannel.com/2015/01/30/46372.html