វាពិតជាព័ត៌មានគួរឲ្យរីករាយណាស់ ដែលអ្នកវិទ្យាសាស្ត្របានស្វែងរកឃើញវិធីកម្ចាត់ Virus HIV ចេញផុតពីសំណុំហ្សែនរបស់មនុស្សតាមរយៈការប្រើប្រាស់នូវ enzym មួយដើម្បីធ្វើការ “ពុះច្រៀក” ។
នៅពេលដែល HIV ជ្រៀតចូលក្នុងកោសិការបស់មនុស្ស នោះវានឹងស្ថិតនៅក្នុងនោះជារៀងរហូត ។ Virus “ពេជ្ជឃាត” នេះនឹង “ជ្រែក” ហ្សែនរបស់វានៅក្នុង DNA របស់ជនរងគ្រោះ ជាហេតុនាំឲ្យគេត្រូវព្យាបាលរហូតទល់ស្លាប់ ។ប៉ុន្តែ ថ្មីៗនេះ ជាលើកដំបូងហើយ ដែលក្រុមអ្នកវិទ្យាសាស្ត្រនៅ Philadelphia (អាមេរិក) បានរកឃើញវិធី “លុបឈ្មោះ” VirusHIV ទាំងស្រុង ចេញផុតពីរាងកាយរបស់មនុស្សហើយ ដោយប្រើវិធី “ជ្រៀកបំបែកជាតូច” ។
ពួកគេ “កេណ្ឌប្រមូល” សំណុំ enzym កាត់ផ្តាច់ DNA មួយឈ្មោះថា Cas9 រួមនឹងស៊េរី RNA នាំផ្លូវ (gRNA) មួយ ដើម្បី “តាមរុករក” សំណុំហ្សែនរបស់ Virus ហើយកម្ចាត់វាចោលទាំងអស់តែម្តង ។
បន្ទាប់មក “ផ្នែកជួសជុល” ហ្សែនរបស់កោសិកានឹងបន្តកិច្ចការ “ផ្សារភ្ជាប់” តម្រុយក្បាលនៃសំណុំហ្សែនទាំងឡាយ រងការកាត់ផ្តាច់មកវិញ -លទ្ធផលគឺ កោសិកាត្រូវបានសំអាតអស់ Virus HIV ។
ក្រុមស្រាវជ្រាវបកស្រាយថាៈ ដោយសារប្រព័ន្ធការពារសរីរាង្គពុំអាចកម្ចាត់អស់ HIV-1 ហេតុនេះ វាជាវិធីចាំបាច់សម្រាប់ព្យាបាលជំងឺប្រចាំសតវត្សនេះឲ្យបានជាសះស្បើយ ៕ ប្រភព៖http://ksn-news.com/