ការក្អកនៅពេលយប់ អាចរំខានដល់ការគេងរបស់អ្នក។ ខាងក្រោមនេះ គឺជាមធ្យោបាយ ដើម្បីបន្ថយអាការៈ នៃការក្អកនៅពេលយប់ ៖
ផឹកទឹកតែ ជាមួយនឹងទឹកឃ្មុំ ៖ វេជ្ជបណ្ឌិត នរម៉េន អេដេលម៉េន (Norman H. Edelman) បាននិយាយថា សូមទម្លាប់ផឹកតែ មុននឹងចូលគេង។ ជាតិទឹកក្តៅឧណ្ណៗ អាចជួយបំបែកមុយគីស នៅក្នុងផ្លូវខ្យល់របស់អ្នកបាន។ ហើយសូមបន្ថែមទឹកឃ្មុំ ចូលទៅក្នុងនោះផង។
គេងអោយក្បាលខ្ពស់ ៖ ការក្អកនៅពេលយប់ ភាពធ្ងន់ធ្ងរ គឺជាសត្រូវរបស់អ្នក។ រាល់មុយគីស ដែលអ្នកលេបអំឡុងពេលថ្ងៃ នឹងច្រាលឡើងមកវិញ ហើយធ្វើអោយរលាកបំពង់ក នៅពេលដែលអ្នកគេងរៀបស្មើនៅពេលយប់។ ដូចនេះ សូមព្យាយាមបន្ថយភាពធ្ងន់ធ្ងរនេះ ដោយកល់ខ្នើយ នៅនឹងខ្នងរបស់អ្នក ដើម្បីអោយខ្ពស់នៅពេលគេង។
សូមស្ទីម ៖ ផ្លូវខ្យល់ស្ងួត អាចធ្វើអោយការក្អក កាន់តែអាក្រក់ទៅៗ។ អ្នកអាចរកវិធីសាស្ត្របន្ថយការក្អក ដោយការស្ទីមនៅក្នុងបន្ទប់ទឹក។ វេជ្ជបណ្ឌិត Edelman មានបំរាមមួយថា ប្រសិនបើអ្នកមានជំងឺហឺត ស្ទីម ពិតជាអាចធ្វើអោយការក្អក កាន់តែអាក្រក់ទៅៗ។
មើលពីភាពក្តៅ ហើយសើម ៖ ម៉ាស៊ីនជួយអោយក្តៅ ហើយសើម អាចជួយការក្អកបាន ប្រសិនបើខ្យល់ស្ងួត។ ប៉ុន្តែ ការប្រើវាច្រើនពេក នៅក្នុងបន្ទប់គេង អាចបន្តអោយមានការក្អកទៅវិញ។ ធូលីដី ឬមេរោគ មាននៅក្នុងខ្យល់នោះ។ វេជ្ជបណ្ឌិត Edelman បានសំណូមពរថា អ្នកគួរតែរក្សាកម្រិតក្តៅហើយសើមនេះ អោយបាន ៤០ ទៅ ៥០ ភាគរយ៕
ប្រភព៖http://chnchannel.com/2015/02/04/46535.html